 |
|
|
آرشيو فايلهاي راديو حيدربابا |
|
|
|
آرشيو نوشته ها |
|
|
|
تست |
|
|
|
|
|
|
|
|
|
|
|
دوکتور رضا مریدی نین آنا دیلی گونو ایله باغلی اونتاریو مجلیسینده دانیشیغی
|
|
|
|
|
اولوسلار آراسی آنا دیلی گونو ائله جه ده٬ 'بیرلشمیش میللتلر گئنل قورولو' طرفیندن رسمیته تانینیب و ۲۰۰۸ ایلی 'اولوسلار آراسی دیللر ایلی' اولاراق اعلان ائدیلدی.
دونیادا مؤوجود اولان ۶۰۰۰ دن آرتیق دیلی تانیتما و اونلاری یاشاتماغین اهمیتی هر ایکی قورولوش٬ یونئسکو و 'بیرلشمیش میللتلر گئنل قورولو' طرفیندن قئیده آلینیب.
|
09/02/2010
|
|
|
|
|
|
-جو ایل ۲۸ مای تاریخینده اونتاریو ایالت مجلیسی «اولوسلار آراسی آنا دیلی گونونو» کانادانین اونتاریو ایالتینده رسمیته تانیدی. آذربایجانین اورمیه شهریندن اولان فیزیک عالیمی و اونتاریو ایالتی نین میلت وکیلی دوکتور رضا مریدی-نین ۲۸ مای ۲۰۰۹ تاریخینده بو قرارین قبول ائدیلمه سی ایسته یی دوغرولتوسوندا دانیشیغینین تورکجه ترجومه سینی آشاغیدا اوخویا بیلرسینیز.دوکتور رضا مریدی ایران آذربایجانینین اورمیه شهرینده دونیایا گلدی. او یوکسک تحصیلاتینی اینگیلتره ده بیتیرمیش و ۱۹۹۰ جی ایلدن بری کانادادا یاشاییر. دوکتور مریدی علم دونیاسیندا (فیزیک) چوخلو موفقیتلر الده ائدندن سونرا ۲۰۰۷ اوکتیابرین ۱۰-دا کانادانین اونتاریو ایالتی ریچموندهیل بؤلگه سیندن میلت وکیلی سئچیلیب٬ اونتاریو ایالت مجلیسینه گیردی.) : علیرضا جوانبخت
دوکتور رضا مریدی
:
سایین مجلیس سؤزچوسو٬
منه بوگون بو قراری حرکته کئچیرمه یه فورصت وئردیینیز اوچون تشکور ائتمک ایسته ییرم، بو قرار دئییر
«
:بو مجلیسین دوشونجه سینه گؤره٬ بو ایالتین کولتورل چئشیدلیلیگی و چوخ دیللی بیر جامیعه اولدوغونو گؤسترمک اوچون٬ 'اونتاریو قانون وئریجی مجلیسی' ۲۱ فئوریه نی 'اولوسلار آراسی آنا دیلی گونو' اعلان ائتمه لیدیر.»
مجلیس سؤزجوسو
:
تشکور ائدیرم
. سیزین ۱۲ دقیقه یه قدر واختینیز وار.
دوکتور رضا مریدی
:
تشکور ائدیرم٬ سایین سؤزچو خانیم
!
آداآب٬ السلام علیکم٬ سلام٬ شالوم٬ روژباش٬ نی هو٬ لی هو٬ قودده ق٬ ناماستی٬ ست سری آکال٬ گودین
-داق٬ ألوها٬ گوتین-تق٬ یاه-سو٬ اولا٬ پریو-یئت٬ سووا-دی-کراپ٬ مرحبا٬ بارئف٬ شلام ایلخ٬ بولا٬ تودوبوم٬ چوا٬ بون ژور و هئلو
سایین سؤزچو خانیم
!
بو نلار بیزیم بؤیوک اونتاریو ایالتیمیزده دانیشیلان ۱۵۰ و بلکه داها چوخ دیللردن نئچه سینین ساده سلاملاشما کلیمه لری ایدیلر
.
سیز دونیادا دانیشیلان بوتون دیللرده سلاملاشماق ایسته سه یدینیز٬ أن آزی ۶۰۰۰ دیل اؤیرنمه لی و ۶٬۵۰۰٬۰۰۰٬۰۰۰ شخصه سلام وئرمه لییدینیز
.
سایین سؤزچو خانیم
!
من بو گون بو مجلیسده اوره ییمین ایچیندن گلن بیر تشبوثله٬ بیزیم آنا دیللریمیزین قئید ائدیلمه سی و تانینماسی نی سیزه و شرفلی امکداشلاریما هدیه ائتمک اوچون آیاغا قالخدیم
.
آنا دیللری رسمیته تانیماق اصلینده
«دونیانین آنا دیللرینی سئونلر» آدلی بیر کانادالی جمعیت طرفیندن ایره لی سورولوب.
بو ایشین کانادالی جمعیت طرفیندن باشلانماسی و بنگلادش دؤولتی نین حیمایه سی٬ یونسکونون ۱۹۹۹
-جو ایلین نووامبریندا٬ ۲۱ فوریه نی «اولوسلار آراسی آنادیلی گونو» اعلان ائتمه سی ایله سونوجلاندی.
بو گونون آماجی٬ آنلاییش٬ خوش گؤرولوک و دیالوقا دایاناراق٬ دیل و کولتورلر حاقیندا اینسانلارا بیلگی وئرمک٬ دیل چئشیدلیلیگی و چوخ دیللی تحصیل سیستمینی تانیتماقدیر
.
بعضی اورقانلار او جومله دن تورونتو شهری داها اؤنجه دن بو اؤزل گونو رسمیته تانییبلار
.
اونتاریو ایالتی هر وطنداشین کولتورل میراثینی تانیتماق و جمعیته داخیل ائتمکده بیرینجی و اؤنجول اولموشدور
.
بو قراری کئچیرمک بیزیم رنگلی و الوان توپلوموموزون دَیرلرینی آنلاییشلا باشا دوشوب و اونلاری قبول ائدیب٬ تانیماغیمیزدا باشقا بیر آنیت و یادیگار اولاجاقدیر
.
شرفلی امکداشلاریمین ماراغینا٬ فئدرال سوییه ده ده٬ اولوسلار آراسی آنا دیلی گونونو قید ائتمک اوچون ایکی لاییحه نین تقدیم اولماسی و بیرینجی گیریشیمدن باشاری ایله کئچمه لرینی٬ چاتدیرماق ایسته ییرم
.
اولوسلار آراسی آنا دیلی گونو ائله جه ده٬
'بیرلشمیش میللتلر گئنل قورولو' طرفیندن رسمیته تانینیب و ۲۰۰۸ ایلی 'اولوسلار آراسی دیللر ایلی' اولاراق اعلان ائدیلدی.
دونیادا مؤوجود اولان ۶۰۰۰ دن آرتیق دیلی تانیتما و اونلاری یاشاتماغین اهمیتی هر ایکی قورولوش٬ یونئسکو و
'بیرلشمیش میللتلر گئنل قورولو' طرفیندن قئیده آلینیب.
یونئسکونون گئنل باشقانی٬ كوچيرو ماتسورا٬ یونئسکونون چابالارینی٬ معین اولاراق تحصیل سیستیمینده ان آزی اوچ دیلین
(آنادیلی٬ میلی دیل و ایرتیباط دیلی) اولماسینی تشویق ائتمک شکلینده اولدوغونو آچیقلاییر.
کولتور و دیل چئشیدلیلیگینین گلیشمه سی اینسانلار٬ کولتورلر و مدنیتلر آراسیندا دانیشیق تعهدی ایله مومکون اولور
.
یونئسکو کولتور و دیل چئشیدلیلیگی و جوخ دیللی اولماغی تبلیغ ائدیر و اولوسلارآراسی آنا دیلی گونو ایسه یونئسکویا عضو اولان اؤلکه لرده هر ایل قئید اولوب و دیقته آلینیر
.
دیل کولتورون تملی و اینسانلار آراسیندا ایرتیباط وسیله سیدیر
. دیل اوزون سوره اؤیرنمک و ایرتیباط اوچون بیر وسیله اولوب و فردلرین شخصیت و کاراکتئرلرینین یئتیشمه سی و گلیشمه سینده اؤنملی بیر عونصوردور.
اونتاریو٬ ۱۵۰
-دن آرتیق دیلده دانیشان ۲۰۰ فرقلی ائتنیکدن گلن اینسانلارین ائویدیر. اونلارین بیر چوخوندان بوگون بو مجلیسده حاضیر اولانلار واردیر و بو اؤنملی قرارین حرکته کئچمه سینه شاهید اولورلار.
بو فورصتدن ایستیفاده ائدیب و بوگون بورادا عمومی بؤلمه ده بیزه قاتیلان آفغان٬ عرب٬ ارمنی٬ آذربایجان٬ بنگلادئش٬ کامبوجیا٬ ائتیوپیا٬ ایران٬ کورد٬ نئپال٬ پاکیستان٬ سری لانکا و تورکیه جمعیتلرینین تمثیلچیلرینی سیزه تقدیم ائدیرم
.
سایین سؤزچو خانیم
!
دیللر بیزیم ماددی و معنوی میراثلاریمیزی قوروماق اوچون ان گوجلو وسیله دیرلر
. دیل آیریجا اوشاغین تحصیل گلیشیمی و اینکیشافیندا چوخ اؤنملی بیر آراجدیر.
قلوباللاشما دونیادا نوفوس حرکتلیلیگینده
(جمعیتین فرقلی بؤلگه لره داشینماسی) بللی بیر آرتیشا سبب اولوب.
بونونلا باغلی تورونتو اونیورسیته سینده٬ اونتاریو تحصیل آراشدیرمالاری اینستیتوسونون اؤیرنمه و اؤیرتمه بؤلومونون آراشدیرما قروبو باشقانی دوکتور جیم کامینز بئله دئییر
: «نفوس حرکتلیلیگیننین بیر سونوجو مدرسه لر و اوخوللاردا دیلسل٬ کولتورل٬ ایرقسل و دینسل چئشیدلیلیگیدیر.
بونا بیر فاکت اولاراق٬ تورونتو اوشاق باغچالاری اؤیرنجی لرینین یوزده ۵۸
-ی استاندارد اینگیلیسجه نین دانیشیلمادیغی ائولردن گلیرلر | | | |
